Iu zbulua kontrata marramendëse e Messit, reagon për herë të parë Barcelona

Detajet e kontratës për zgjatjen katër vjeçare të super yllit, Lionel Messi të nënshkruar në vitin 2017 u zbuluan nga gazeta spanjolle El Mundo  në një  raport “bombë”  nga Marti Saballs dhe Esteban Urreiztieta. 

Shuma maksimale 555,237,619 euro ishte hedhur në faqen e parë të botimit të paraqitur me titullin, “Kontrata faraonike e Messit që ka shkatërruar Barcelonën”

Tashmë ka ardhur reagimi i parë nga klubi katalunas, përcjell Gazeta Express.

Katalunasit thanë se do të ndërmarrin veprime ligjore kundër “El Mundos”.

“FC Barcelona kategorikisht mohoi çdo përgjegjësi në botimin e kontratës së saj profesionale dhe do të ndërmarrë veprime ligjore kundër ‘El Mundo’” – thuhej në komunikatën e lëshuar nga klubi spanjoll.

FC Barcelona më pas shprehu mbështetjen e plotë ndaj Lionel Messit.

“FC Barcelona shpreh mbështetjen e saj të plotë për Lionel Messi, veçanërisht çdo përpjekje për të diskredituar imazhin e tij dhe të dëmtojë marrëdhëniet me ekipin ku ai është formuar si sportist, për t’u bërë lojtari më i mirë në historinë e futbollit” – thuhej në komunikatë. /Gazeta Express/

Leave a Reply

Your email address will not be published. Required fields are marked *